ஏடிஆர் மற்றும் என்.இ.டபுள்யூ ஆகியவை இணைந்து வெளியிட்டுள்ள அறிக்கையில் எம்.எல்.ஏக்கள் சொத்து மதிப்பு குறித்த தகவல்கள் இடம்பெற்றுள்ளன. இதில் நாட்டிலேயே அதிக சொத்து மதிப்பு கொண்ட எம்.எல்.ஏவாக கர்நாடகாவை சேர்ந்த டிகே சிவக்குமார் இடம்பிடித்தார். இந்த பட்டியலில் வேறெந்த எம்.எல்.ஏக்கள் இருக்கின்றனர் என்ற விவரங்களை தெரிந்து கொள்ளலாம்.
ஹைலைட்ஸ்:
- கர்நாடகாவை சேர்ந்த டி.கே.சிவக்குமார் தான் நாட்டிலேயே டாப்
- அதிக சொத்து மதிப்பு கொண்ட எம்.எல்.ஏக்கள் பட்டியலில் முதலிடம்
- கர்நாடகாவில் மட்டும் 12 எம்.எல்.ஏக்கள் டாப் 20ல் இடம்பெற்றுள்ளனர்
தேர்தலின் போது வேட்பாளர்கள் தங்களது சொத்து மதிப்பு விவரங்களை வேட்புமனுவில் தாக்கல் செய்வர். இந்த தகவல்களை தேசிய அளவில் சேகரித்து பல்வேறு நிறுவனங்கள் ஆய்வு செய்து வருகின்றன. அந்த வகையில் அசோசியேஷன் ஃபார் டெமகிராடிக் ரிபார்ம்ஸ் (ADR) மற்றும் நேஷனல் எலக்ஷன் வாட்ச் (NEW) ஆகிய நிறுவனங்கள் பட்டியல் ஒன்றை தயார் செய்து சமீபத்தில் வெளியிட்டுள்ளது.
எம்.எல்.ஏக்களின் சொத்து மதிப்பு
இவர்கள் 28 மாநிலங்கள் மற்றும் 2 யூனியன் பிரதேசங்களை சேர்ந்த 4,001 நடப்பு எம்.எல்.ஏக்கள் குறித்து ஆய்வு செய்திருந்தனர். இதுதொடர்பான பட்டியலில் கர்நாடகா மாநில துணை முதலமைச்சரும், மாநில காங்கிரஸ் கமிட்டி தலைவருமான டிகே சிவக்குமார் முதலிடத்தில் உள்ளார். இவரது சொத்து மதிப்பு 1,413 கோடி ரூபாய் ஆகும். இதில் அசையா சொத்து 273 கோடி ரூபாய்.
டி.கே.சிவக்குமார் தான் முதலிடம்
கர்நாடகா முதலமைச்சர் நாற்காலி
அதேசமயம் முதலமைச்சர் நாற்காலிக்கு சித்தராமையா உடன் மோதல் ஏற்பட்டது. பின்னர் ராகுல் காந்தி, மல்லிகார்ஜுன கார்கே ஆகியோர் பேச்சுவார்த்தை நடத்தி துணை முதலமைச்சர் பதவி அளித்தனர். இவர் மீது வருமான வரித்துறை, சிபிஐ, அமலாக்கத்துறை ஆகியவை பல்வேறு வழக்குகள் தொடர்ந்துள்ளன.
கர்நாடகா மாநில எம்.எல்.ஏக்கள்/p>
இவற்றின் விசாரணை ஒருபுறம் நடந்து வருவதாக தகவல்கள் தெரிவிக்கின்றன. மேற்குறிப்பிட்ட பட்டியலில் டாப் 20 இடங்களில் 12 பேர் கர்நாடகா மாநிலத்தை சேர்ந்த எம்.எல்.ஏக்கள் என்பது கவனிக்கத்தக்கது. அதுமட்டுமின்றி இங்குள்ள மொத்த எம்.எல்.ஏக்களில் 14 சதவீதம் பேர் 100 கோடி ரூபாய்க்கு மேல் சொத்து வைத்துள்ளனர்.
2வது, 3வது இடங்களில் யார், யார்
இதை வேறெந்த மாநிலத்திலும் பார்க்க முடியாது எனக் கூறுகின்றனர். இரண்டாவது இடத்தில் கே.ஹெச்புட்டசுவாமி கவுடா இருக்கிறார். கர்நாடகா மாநிலம் கவுரிபிடனூர் தொகுதியை சேர்ந்தவர். இவரது சொத்து மதிப்பு 1,267 கோடி ரூபாய் ஆகும். 3வது இடத்தில் கர்நாடகாவை சேர்ந்த பிரிய கிருஷ்ணா உள்ளார்.
டாப் 20 எம்.எல்.ஏக்கள் லிஸ்ட்
இவருடைய சொத்து மதிப்பு 1,156 கோடி ரூபாய் ஆகும். இந்த பட்டியலில் டாப் 20க்குள் இடம்பிடித்த மற்ற கர்நாடகா எம்.எல்.ஏக்கள் யார் என பார்த்தால், பி.எஸ்.சுரேஷா, என்.ஏ.ஹாரிஸ், ஹெச்.கே.சுரேஷ், ஆர்.வி.தேஷ்பாண்டே, எம்.ஆர்.மஞ்சுநாத், எஸ்.என்.சுப்பாரெட்டி, ஷாமனூர் சிவசங்கரப்பா, எம்.கிருஷணப்பா, மணிரத்னா ஆகியோர் இடம்பெற்றுள்ளனர்.