Richest MLA: 'या' पक्षांचे आमदार भाजपपेक्षाही श्रीमंत! 4,001 आमदारांची संपत्ती 3 राज्यांच्या बजेटपेक्षा जास्त

Source

Esakal

https://www.esakal.com/sakal-money/personal-finance/mla-assets-more-than-three-states-budget-congress-ysrcp-mla-are-richer-than-bjp-adr-national-election-watch-ras98

Author

राहुल शेळके

Date

08/02/2023 - 12:00

India's Richest MLA: 'असोसिएशन फॉर डेमोक्रॅटिक रिफॉर्म्स' (एडीआर) आणि 'नॅशनल इलेक्शन वॉच' (न्यू) यांनी देशातील विद्यमान आमदारांच्या संपत्तीबाबत धक्कादायक माहिती दिली आहे. जाहीर झालेल्या आकडेवारीनुसार, एकूण 4,033 आमदारांपैकी 4,001 आमदारांकडे 54,545 कोटी रुपयांची संपत्ती आहे.

तुम्हाला आश्चर्य वाटेल की ही मालमत्ता नागालँड, मिझोराम आणि सिक्कीम या तीन राज्यांच्या 2023-24 च्या वार्षिक बजेटपेक्षा कितीतरी जास्त आहे.

पीटीआयच्या अहवालानुसार या राज्यांचे एकत्रित वार्षिक बजेट 49.103 कोटी रुपये आहे. नागालँडचे 2023-24 या वर्षाचे बजेट 23,086 कोटी रुपये, मिझोरामचे बजेट 14,210 कोटी रुपये आणि सिक्कीमचे बजेट 11,807 कोटी रुपये आहे.

पीटीआयच्या वृत्तानुसार, एडीआर आणि न्यू यांनी निवडणुकीपूर्वी दाखल केलेल्या प्रतिज्ञापत्रांच्या अभ्यासाच्या आधारे ही आकडेवारी जाहीर केली आहे.

अहवालात 4,033 आमदारांपैकी 4,001 आमदारांच्या प्रतिज्ञापत्रांचे विश्लेषण करण्यात आले आहे. अहवालानुसार, प्रत्येक आमदाराची सरासरी 13.63 कोटी रुपयांची संपत्ती आहे.

YSRCP आमदारांची सरासरी संपत्ती 23.14 कोटी आहे

पीटीआयच्या अहवालानुसार, भाजपच्या 1,356 आमदारांची सरासरी मालमत्ता 11.97 कोटी रुपये, काँग्रेसच्या 719 आमदारांची सरासरी मालमत्ता 21.97 कोटी रुपये, तृणमूल काँग्रेसच्या 227 आमदारांची सरासरी मालमत्ता 3.51 कोटी रुपये.

आम आदमी पार्टीच्या 161 आमदारांची सरासरी संपत्ती आहे. 10.20 कोटी रुपये असून युवजन श्रमिक रायथू काँग्रेस पक्षाच्या (वायएसआरसीपी) 146 आमदारांची सरासरी मालमत्ता 23.14 कोटी रुपये असल्याचे आढळून आले आहे.

कर्नाटकचे आमदार सर्वात श्रीमंत

पीटीआयच्या एका अहवालानुसार, कर्नाटकच्या आमदारांची एकूण संपत्ती 13,976 कोटी रुपयांपेक्षा जास्त आहे. कर्नाटकच्या आमदारांची एकूण संपत्ती 14,359 कोटी रुपये आहे.

ज्या राज्यांच्या सर्व आमदारांची एकूण संपत्ती (223) कर्नाटक आमदारांपेक्षा कमी आहे ती राजस्थान, पंजाब, अरुणाचल प्रदेश, बिहार, दिल्ली, छत्तीसगड, हिमाचल प्रदेश, बंगाल, गोवा, मेघालय, ओडिशा, आसाम, नागालँड, उत्तराखंड, केरळ , पुद्दुचेरी, झारखंड, सिक्कीम, मणिपूर, मिझोराम आणि त्रिपुरा ही राज्ये आहेत.

कोणत्या राज्यातील आमदारांकडे किती मालमत्ता?

अहवालानुसार, महाराष्ट्रात (288 पैकी 284) 6,679 कोटी रुपयांची मालमत्ता आहे, आंध्र प्रदेश (175 पैकी 174) कडे 4,914 कोटी रुपयांची मालमत्ता आहे.

तर यूपी (403) आमदारांची एकूण संपत्ती 3,255 कोटी रुपये, गुजरात (182) 2,987 कोटी रुपये, तामिळनाडू (224) 2,767 कोटी रुपये आणि मध्य प्रदेश (230) 2,476 कोटी रुपये, त्रिपुरा (59) मध्ये 90 कोटी, मिझोराम (40) 190 कोटी रुपये आणि मणिपूर (60) मध्ये 225 कोटी रुपये.